Amerika hte mungdan law law ni hta shanu nga ai Wunpawng Nu Wa Hpu nau ni yawng hte hpe jan mai san tsawm Florida kaw nna shakram numhtet saw shana dat ai rai.2008 ning 12th lang na Jinghpaw Wunpawng Hkristan Dinghku Dabang hpe May 23-25 laman Lake Yale Baptist Conference Center, Florida e hkrum zup hpawng de na matu hkyen lajang nga ga ai.
           Wunpawng daidaw buga kaw nna pru hkawm let maigan mungdan ni hta nga nga sai anhte a matu ndai dabang gaw shada da kalang bai hkrum zup lu ai laksan ahkaw ahkang langai rai nga ai. Anhte a matu ra ahkyak ai Karai mungga,makam masham lam hte htung hkying maumwi ni hpe sharin hkam la ai sha n-ga mani jahta shaga chyai ai aten ni hpe mung lu la na rai nga ai. Manau htawng ka, ginsup hte kaga atsam shing jawng ai lam ni hta mung wuwu didi aten n lahpawt shang lawm lu na ga ai.   
          Anhte a dabang ginra gaw Orlando mare kaba hte n tsan ai majaw Disney World, Sea World, Universal Studio, hte Kennedy Space Center zawn re ai shara ni de bai matut chyai hkawm mayu ai nuwa hpunau ni a matu alak mi htuk hkrak manu ai hku re.
           Wunpawng daidaw buga na hte shai mat sai anhte a maigan mung na mahkrum madup namchyim ni hte anhte a sa wa na shawng lam shingran ni hpe "Yehowa a Chyeju majaw sha..." ngu ai ga baw hte rau sha hkrumzup hpawng de chyeju shakawn let myit n-gun awai dating la ga ngu hku hkau tsaw ra let saw shaga dat ai rai.

2008 J.W Hkristan Dinghku Dabang Komiti.

          Nu Wa Hpu nau ni hpe Camp Registration jau ai hku galaw na matu akroi anoi saw lajin dat ga ai. Registration hpe jau ai hku anhte lu la ai rai jang camp hte seng n-na hkyen lajang wa ai lam ni hta grau kaja ai hte ning ra ai lam nau n-nga hkra hkyen lajang lu na hpe myit mada ga ai
        
          Camp hte seng ai lam ni hpe hpang de grau hkum tsup ai hku na bai shana wa na nngai.

[NEWS UPDATE] .

--Camp program, rules & regulations, and daycare programs are avaiable here.

-- The invitation letter is available in English Lauguage.

--Don't forget to register before March 23rd 2008 to get your discounts. For more information about registration, click here.